De plietsche Katt

 

von Hartmut Meinke     

 

 

Ne, he harr keen Lust mehr darto! Sien Fru kümmer sik bloots noch üm ehr Katt. Minka heet se, also de Katt, un he harr dat Geföhl, as wenn he garnix mehr tellen dee.

 

Dorüm harr he beslaten: De Katt mutt gau wech!

 

He grippt sik Minka un sparrt ehr in en Transportkist. Denn geiht he mit ehr to sien Auto, föhrt twintig Hüser wieder, sett de Katt rut un föhrt wedder na Huus. Teihn Minuten later is de Katt al torüch.

 

„Na ja, is goot", denkt he bi sik, „villicht weer de Weg 'n beten wat kort."

 

He sparrt Minka wedder in, föhrt fief Kilometer un sett ehr denn ut.

Twintig Minuten later liggt Minka al lang wedder op ehr'n Stammplatz in de Stuuv.

 

„Nu is aber nog", denkt de Mann. He schnappt sik de Katt, föhrt fofftein Kilometer, denn dörch en Siedlung, över en Brüch, denn rechts, denn links, denn liekut, wedder rechts und links un sett ehr an't Enn op en Lichtung in't Holt ut.

 

Twee Stunn' later röppt de Mann tohuus an: „Segg mal, is de Katt dor"?, fraagt he sien Fru. „Ja, worüm?, antwoord se. „Hol' ehr mol an't Telefon, ik heff mi total verfohrt!"

 

Hett sik dat in Neendörp-Sachsenbann afspeelt? Nee, wat denkt ji ?! Hier sünd de Minschen jümmers noch wat plietscher as de Katten!

  Newsletter abonnieren

eMail Adresse
Name
Ort
anmeldenabmelden


Joletter.de-Newsletter

Besucher:

X-Stat.de

Letzte Änderung: 22.06.17
Einladung GV & Glasfaser