Ut de School

                                                                                                        Klaus Brücker



“Asmus, über wieviel Sinne verfügt der Mensch?” fragt de Lehrer.

Asmus steiht op, kratz sick an’n Kopp, achter de Ohren, seggt aber nix.

“Asmus, besinn dich!”

He denkt un denkt. Dat duert sien Tiet. Denn seggt he:

“Söbenuntwintig?”

“Oh, Asmus, geh vor die Tür und denke darüber nach. Wenn du die richtige Zahl weißt, kommst wieder herein. Verstanden?“

Asmus brummt sick wat un geiht vör de Döör. Jüst dor kümmt sien Fründ Peter ut de anner Klass vörbi. He kümmt en beten laat.

“Worüm büst du rutsmeten worrn?” fragt Peter.

“Ick wüss ni, woveel Sinne de Minsch hett. Nu dörf ick eerst wedder rin, wenn ick de richdige Tall weet.”

“Segg doch fief,” sleit Peter vör.

“Büst du ni klook? Wo em söbenuntwintig all ni nog weern!”